Лицевой летописный
свод

Новгородская летопись

// Полное собрание русских летописей. Т. 4. Ч. 1: Новгородская четвертая летопись. – М., 2004.

Ермолинская летопись

"В лето 6750. Иде Александръ къ Батыю царю, а Олег Рязаньский къ канови поиде. И пришедъ Александръ отъ Батыя, и поиде съ братомъ Андреемь, с Нiзовци и с Новгородци изгоною ратью на Немцi къ Псковоу, оуже бо беше Псковъ взятъ, тиоуни оу нихъ посажденi соудить. В лето 6750. Иде Александръ къ Новугороду, и шедъ городъ Копорью раскопа, а Немци изби, а Вежанъ и Чюдцю перевтниковъ перевеша, иде къ Переславлю. Тоя же зимы собравшеся Немци сея стороны, приидоша к Пъскову и полки Пъсковьския победиша, а во Пъскове наместники своя посадиша. Александръ же се слыша и велми оскорбе, и не помедливъ ни мала, поемъ съ собою брата Андрея, иде к Новугороду. И поиде из Новагорода и Немци с Новогородци и съ Низовци, и за все пути до Пъскова, изгони град Пъсковъ, и изнимав Немци и Чюдь оковав и посла к Новугороду и свободи Пъсков от плена; а землю Немецкую шедъ воева и пождьже, а полонъ многъ взя, а иных изсече. А Немци совокупиша в то время силу велику, и яко видеша их стражи Александрови, ужасошася множеству их. То же слыша Александръ, помолися церкви святыя Троица и иде противъ ихъ, а местерь со всеми бискупы, со множествомъ языка ихъ и власти ихъ, что есть на сеи чтороне, и с помочью королевою, снидошяся на езеро глаголемое Чюдьское. Видевъ же ихъ Александр, въспятися назад; они по немъ поидоша, и Александръ постави полки на езере Чюдскомъ на Узмени, у Ворония камени, и ста противъ ихъ, исполчився. И наступиша езеро Чюдьское обоихъ отъ множества вои, и съступишася въ день суботныи. Немци же и Чюдь пробишася вси полки Александрови, и тогда бысть сеча зла на Немцы и Чюдь, и так обе страшно, яко езеру подвигнутися померзешу. Видеша же вернии полки Божiя, помогающи Александру, и тако побегоша Немци. И гнаша их по езеру бьюще седмь верстъ, не бе бо камо учечи и гониша их бьюще до Суболичьскаго езера. И паде Немець 500, а Чюди бесчислено множество, а Немець нарочитыхъ воеводъ яша 50; мнози же истопоша на езере, а инии язвени бегоша; бе же се апреля 5, на Похвалу святыя Богородице".

// Полное собрание русских летописей. Т. XXIII: Ермолинская летопись. – М., 2004.

Симеоновская летопись

"И поиде съ братомъ Андреемъ и съ Новгородци, и съ Низовци на Немецкую землю въ силе велице, да не хвалятся, рекуще: укоримъ Словеньскiи языкъ, нежели себе. Уже бо бяшеть взять градъ Псковъ, и тиуни ихъ посаждени в граде. Великiи же князь Александръ сковав поточи въ Новгородъ, а градъ Псков свободи отъ плена, а землю Немецкую повоева и пожже, и полона много взя, а иныя изсече. Они же гордiи съвокупишася, рекуще: «Поидемъ на Александра и победивше руками имемъ его». И егда же приближишася, тогда почюдившеся стражiе великаго князя Александра силе Немедцкои и ужасошася. Князь же великiи Александръ помолився въ церкви святыя Троица, и поиде на землю Немецкую, хотя мстити кровь христiаньскую. Бе бо зима въ то время, и якоже бысть на земли ихъ, пусти вся полкы своя въ зажитiа, а Домашь Твердисловичь и Кербктъ быша в разгоне; и убиша ту Домаша, брата посадничя, мужа добра, и иных много избиша съ нимъ, а иныхъ руками яша, а иные прибегоша къ великому князю въ полкы. Се же слышав местерь изыде противу ихъ съ всеми бискупы своими, и съ всем множьствомъ языка ихъ, и власти ихъ, что ни есть на сеи стороне, и съ помочью королевою; и снидоша на озеро глаголемое Чюдское. Великiи же князь Александръ въспятися назад. Немци же и Чюдь поидоша по нем. Князь же великiи постави полкы на езере Чюдскомъ на Узмени у Воронiа камени, укрепився силою крестною и ополчився, поиде противу ихъ. Наступиша же езеро Чюдское; бысть же обоих множество вельми. Бе же ту съ Александромъ и братъ его Андреи съ множествомъ вои отца своего, и бысть у Александра множество храбрыхъ, силныхъ и крепкыхъ, и исполнишася вси духа ратнаго, беху же сердца ихъ, акы лвомъ. Ркоша же: «княже, се ныне приспе время положити главы своя за тя». Князь же великiи Александръ възде руце на небо и рече: «суди, Боже, и разсуди прю мою, отъ языка велеречива изми мя и помози ми, Господи, яко же Моисею на Амалика, и якоже прадеду моему Ярославу на окаяннаго Святополка». Бе же тогда день суботныи, въсходящу солнцу, и съступишася обои полци. И немци же и Чюдь пробишася свиньею сквозе полкы. И бысть ту сеча зла и велика Немцемъ и Чюди, и бе струскъ отъ копiи ломленiа, и звукъ отъ мечнаго сеченiа, якоже озеру помрезшу двигнутися, и не бе видети леду, покры бос я кровiю. Слышах же и се отъ самовидца, бывшаго тогда тамо: рече ми, яко видехъ полкы Божiа на въздусе, пришедша на помощь великому князю Александру. Победи бо силою Божiею и пречистыя Его Матере, и молитвами и пособiем святых мученик Бориса и Глеба, и даша ратнiи плещи свои, и сечяхуть ихъ гонящи, яко по аеру, и не бе имъ камо утечи; и биша ихъ на 7 верстъ по леду, до Суболичского берега, и паде Немець 500, а Чюди безчисленое множество, а руками яша Немець 50 нарочитых воевод и приведоша я въ Новъгородъ, а инiи на езере истопташа, уже бо весна бе, а инiи зле язвени отбегоша. Бысть же бои сеи Апреля въ 5, на похвалу Богородици, <...> Рекоша бо немци: «имемъ великаго князя Александра руками», и се Бог самехъ предасть ему въ руце его, и не обретеся противникъ ему въ брани никогда же".

// Полное собрание русских летописей. Т. XVIII. Симеоновская летопись. – М., 2007.